أيهما أصعب خيانة الحبيب أم خيانة الصديق ( للنقاش)

ايهما اصعب خيانه الصديق ام خيانه الحبيب ( للنقاش )
الصداقة أو الحب

- إن الصداقة من أثمن العلاقات وأعمقها، بل هي حلقة الوصل في جميع علاقاتنا مع من حولنا.
فالصداقة في معناها الحقيقي القرب لا البعد، الحب لا الكراهية، الصدق لا النفاق. فهذه هي علامات الصداقة إذا ظهرت عليك أو علي شخص تعتمد عليه وتحس أنك قريب منه ستكون صديق وفي بجد:
- الصديق الحقيقي هو الذي لا يجامل أو أن تنتهي علاقته معك لمجرد اختلاف في وجهات النظر أو جدال.

- الصديق الحقيقي هو الذي يمكنك أن تبكي أمامه، وتتبلل كتفاه من دموعك.

- الصديق الحقيقي هو الذي يقدم لاً ً لمشاكلك، لا التحدث فيها وإثارتها.

- الصديق الحقيقي هو الذي يساعدك في كل موقف عندما تكون سعيداً أو حزيناً ولا يكتفي بموقف المتفرج.

أما الحب او الحبيب

الحبيب
ذلك الشخص الذي تكون بالنسبة له الفرق ما بين الحياة والموت
ويتقبلك كما أنت
يرى اسوء عيوبك اجملها لديه
ذلك الشخص الذي يشعر انه ليس بهذا الكون سواك
انت هو و هو انت
قلب واحد ...ذات واحده
و الحب رمز
للإخلاص و الوفاء
التضحية و العهد والوعد .....

فأيهما بنظرك أصعب علينا خيانته لنا؟؟

احترامي وتقديري الكبير

فى نظرى خيانه الصديق اصعب بمراحل

طبعا الصديق اصعب يا ساد علشان هو الي معاك طول الوقت

مش عارف بس حاسس انة الحبيب لانة بيكسر حاجات كتير اوى اوى جوانا

الحبيبي بنغفرله وبنسمحه علشان هوه القلب والروح والحياه كلها وبعدين الانسان لما بينكسر بيبقي عامل زي لوح الزجاج كل حتة فيه مكسورة والي يلمسها ينجرح بس الصديق لما يخون بقتل فيك الاحساس بالامان

مش كل الناس زيك ياابوادم انا راى بيقول ان الصديق والحبيب ممكن يتعوضوا زى بعض الحبيب بيكسر فيك الامان وبراضوا الصديق زى ما انت قولت يابو ادم

فعلا يابو ادم الانسان لما بينكسر ببقى عامل زى لوح الزجاج بيجرح اى حد يحاول يلم فية اى جزء تعبير كويس اوى اوى اوى اوى بجد لان الانسان الكسور والى بينكسر فية حاجة صعب انة يلمها تانى ومش صعب انة يجرح كل الناس دة احساس ناتج عن حالة الاحباط الى عايش فيها ومش كل الناس كدا بس انا واحد من الناس دى لو انكسرت اجرح اى حد وبالعكس ممكن اداوى الجرح بجرح انا عارف انه عيب بس فى نفس الوقت الحالة نفسها كتير يعذرونى فيها

اولا الانسان المكسور مش بيجرح غير الي يدوس عليه لاكن القريب منه عارفة جرحة بيلم باقي المتكسر منه وبيساعده وبعدين انا عارف ومتاكد ان الانسان الي بينجرح مستحيل يجرح لانه مش هيقدر يتحمل يشوف حد يمر بظروفه انت ممكن تقول كدة انك ممكن تجرح حد بس لو انجرحت مستحيل مستحيل هتقدر تجرح زي ما انجرحت وبعدين لوح الزجاج دي انا قصدي ان دي بتبقي حالة الانسان وهوة مجروح ومكسور ومتدمر بس مش بيفضل كدة علي طول هوة بقعد فترة وفترة طويلة طويلة اوي يعني بس بيفوق متفقدش الامل ههههههههههه بيقف وبيتحدي نفسة وبعدين اية دة ويا رتنا بنشوف الناس وحشة بالعكس احنا بردو بنحاول بنحب وبنعيد الحكايةت تاني بس كل مشكلة وليها حل
لا يأس مع الحياة ولا......... مع ان الجملة دي حاليا ضدي

انا باتفق فى الرايى مع سوسه الجديف و الحبيب جرحهم اشد من بعض خصوصا لما يكون مش ليك غيرهم و الاصعب لما يكون الاتنين بيجرحوا فيك فى نفس الوقت و انت واقف تتفرج على جرحك و مش عارف تعمل ايه صدقونى الاحساس ده صعب قوى

خيانه الصديق بس الفرق مش كبير

هو من رأيى ان الصديق لانه هو اللى كان مع صديقة طول حياته والا متكونش صداقة

هو من رأيى ان الصديق لانه هو اللى كان مع صديقة طول حياته والا متكونش صداقة
لان ممكن الحبيب يتعوض مش الصديق الصدوق

أنـا بتفق معاك فى الرأى يا حــــــــودا
لان فعلا ممكن الحبيب يتعوض لكن الصديق عمره مايتعوض

انا جاى بعد غيبة كبيرة وحصلى فى فترة توقفى عن المنتدى حاجات كتير بس اتعلمت منها اولا خيانة الحبيب زى خيانة الصديق كلها حاجات صعبة ومتهيالى مينفعش نقارن بينهم لان دا لة جانب فى العاطفة ودا لة جانب فى العاطفة ولكل واحد منهم لة تاثير علينا وعمر الحبيب ما كان زى الصديق وعمر الصديق ما كان زى الحبيب وفى الغالب بنلجا لطرف فيهم لما يحصل خيانة من الطرف الثانى

متهيالى السؤال الى يحير فعلا ايهما سيضحى من اجلك لو مريت بمحنة اكتر تضحية هتكون من مين

مينفغش تقارن الاتنين ببعض ده حاجه وده حاجه بس على فكره الحاجات اللى انت قلتها على الصاحب برده بتبقى فى الحبيب وكمان انت عندك حبيب واحد بيتهيالى الحبيب اصعب

زائر

واللهي انا من راي ان الواحد ميزعلش اذا

خسرا حد منهم لا معدش في صداقة بجد

وبعدين حبيب ايه اللي تفضل تجيب دبديب في دبديب

وتخرج علي الكورنيش وتجيب ب2 جنية ذرة انت وهي

طب ما تخرج لواحدك وتاكل ذره لواحدك

زائر

وعلي العموم ايد لواحده متسقف

وكلنا نودع اتش برستيج عشان هو علي وش دفعه

الحبيب والصديق هما الاتنين بتحس معاهم بامان وبحب وبحنية وبتشوف بعنيك حبهم بيبقى ازىعلشان كدا هما الاتنين هتبقى خيانتهم شى صعب جدا

زائر

لا واللهي انا مش معاكي يا سوسة

لان الحبيب بيتعوض انما الصديق عمرها ما هيتعوض

لان انا ممكن يكون ليك صديق منذ 15 سنة واكتر

انما الحبيب ممكن شهر ولا حاجة

انا من رأي الاثنين اصعب من بعض

حمه الله وبركاته والله خيانه الاتنين صعبه لان صديقك عشت معاه كتير ومش تقدر تضحى بيه علشان حبيبك لان بردوا حبيبك هو اللى هتعيش معاه بقيت عمرك لو حصل نصيب فمش ينفع تيجى على حد فى حساب التانى والاتنين خيانتهم اصعب من بعض

متهيالى الصديق اكتر

» الحب بقى عملة نادرة هام جدا للنقاش
» أيهما أهـــم بحياااتك كرامتك أم قلبك؟
» من هو الصديق الحقيقى
» الي كل اعضاء المنتدي دعوة للنقاش(اي من العبارات الاتية تؤلمك)
» مااقصى غياب الحبيب