المشـــــــكله فى مـــــــــــين؟؟؟؟؟؟

المشكلة في مين ؟؟؟؟
السلام عليكم ورحمة ا

حمة الله وبركاته
الموضوع ببساطه اني انا كنت بتكلم مع واحد عن احوال الدنيا وكده فقلي جملتين كان بيسمعهم من دكتور عنده في الجامعه
هما

((لو كان نهر النيل صلصه مش هيكفي الكوسه اللي فمصر ))

((تمتع بالســــــيء فان القــــــادم اســــــــــــــــــــــــــــــوأ))
طبعا الجملتين دول ممكن يكونوا من وجهة نظر البعض عاديين جدا ومش مستاهلين
كلام بس انا بصراحه بصيت للموضوع ككل وقلت نتناقش فيه مع بعضنا

في البدايه انا هتكلم في الموضوع في الجزء الخاص بالشريحه العريضه مننا وهما الشباب طبعا وحال الشباب لا يخفى على القاصي والداني

الشباب اليومين دول لما تقول لحد منهم مش بتشتغل ليه وتشوف مصلحتك يكون رده الفوري متهكما
(هوا في شغل وانا مشتغلتش )تقوله ياعم الشغل مالي الدنيا بس اللي يسعى
يقولك (والله انا مش معايا فلوس ادفع علشان اشتغل ومستني الفرصه
المناسبه)تقوله ياعم حتى شوفلك صنعه تاكل منها عيش يقولك (هوانا اتعلمت
واخدت البكالوريوس علشان اتعلم صنعه )وفي الاخر يقولك ياعم والله انا مكلم
فلان يشوفلي عقد علشان اطلع بره واسيب البلد دي انا اتخنقت تروح اخر متزهق
تقوله والله عندك حق ولو رحت متنسناش وابعتلنا علشان نجيلك iiiiiii

ده بالنسبه للشباب وطبعا لما تيجي تكلم حد من الحكومه والمسئولين بيكون رده الطبيعي متمسكنا ((زياده سكانيه وازمه اقتصاديه))

طيب المشكله فمين ؟؟؟؟؟؟؟

في الشباب ولا في الحكومه ولا فمين ؟؟؟؟.

بصراحه انا احيانا بحس الشباب مزودين المسأله حبتين بس برجع واحس انه غصب
عنهم نفسهم فمستوى افضل والحكومه متعرفش ان كانت جانيه ولا مجني عليها طيب
نرجع ونقول من تاني المشكله فمين ؟؟؟

هل فعلا الازمات والمشاكل قضت على كل امل ممكن ولا لسه الامل موجود ؟؟؟هل لوبطلنا نحلم نموت ولا لو حلمنا ممكن نموت؟؟؟حد يجاوبني

طيب انا عموما هقول وجهة نظري ورسالتي من الموضوع ده

يا شباب مهما كانت الازمه ومهما كانت المشكله فالامل موجود والفرصه موجوده ولكن متى؟؟؟انا معايا البشرى لكل الشباب

في حديث كلما شعرت باليأس استرجعته من ذاكرتي ووضعته نصب عيني ولازم كلنا نخليه قدامنا

يقول الحبيب صلى الله عليه وسلم

((أبى الله ان يرزق عبده المؤمن الا من حيث لا يحتسب))يعني الرزق هييجي من مكان انت مش متوقعه ابدا ودي حكمة ربنا سبحانه وتعالى

فانتظر ولا تجزع وأمل ولا تيأس واعلم ان المنحه ستأتي من قلب المحنه وان الفرج سيأتي من بعد الضيق

ضاقت حتى اذا استحكمت حلقاتها فرجت وكنت اظنها لا تفرج

(((((دعوه للأمل فلا تيأس)))))

موضوع جامد وزي مانت قلت الناس مزوداها حبتين الشغل مالي الدنيا بس فين اللي يدور .هما عايزين الشغل يجيلهم مش هما اللي يروحوا .وعاوزين يشتغلوا علي مكاتب .ياعمنا العيب فينا وبنجيب العيب علي غيرنا عشان كدا مش هنشوف خير ابدا...سبع مائه سنه والبلدي بتتسرق ولسه ناسها لاقيين ياكلو ويشربوا....

شكرا يا برنس على الكومنت الرائع ده منك وشكرا على المساهمه فى الموضوع

المشـــــــكله فى مـــــــــــين؟؟؟؟؟؟ 1zqzwr8

المشـــــــكله فى مـــــــــــين؟؟؟؟؟؟ Aso020

المشـــــــكله فى مـــــــــــين؟؟؟؟؟؟ 20967eadtkm9bre

نيس توبك بوجى

زائر

مشكور يا بوجي علي المجهود الجامد ده يا مان

وقشطط يا بوجي