حمدي قنديل : هؤلاء قادرون على حكم مصر

رشح الإعلامي البارز حمدي قنديل عدداً من الأسماء المؤهلة للترشيح في انتخابات الرئاسة المقبلة إلا أنه أكد في الوقت نفسه أن فرصتهم في الفوز ليست مضمونة في ظل التعديلات الدستورية الأخيرة.
ومن بين تلك الأسماء عمرو موسى وطارق البشري وأحمد زويل ومحمد البرادعي.
و أشار إلى أن الأزمة السياسية الحالية في مصر هي عدم وجود أحزاب غير الحزب الوطني ،ولا يوجد أحد يستطيع أن ينافس الرئيس .
وأضاف قنديل في حواره مع الإعلامي عمرو أديب أنه غير قلق لو جاءت الانتخابات بالإخوان إلى سدة الحكم في مصر إلا أن مصدر قلقله منهم هو عدم إعلانهم حتى الآن لبرنامجهم الانتخابي الذي اقتصر على مجرد مسودات .
وأكد قنديل أن فرص تولي جمال مبارك لحكم مصر ضعيفة في المستقبل القريب.
و أشار إلى أنه يمكن طرح الفكرة بعد عشر سنوات حيث يكون وقتها أكثر خبرة وأكثر التحاماً بالشعب لنرى نسخة معدلة من جمال مبارك ، ومشكلته الأولى والأخيرة أنه غير ناجح في القرب من الناس.
و أكد أن الحزب الوطني سيختار مبارك لفترة رئاسة جديدة في عام 2011 وسيكون مرشحه للرئاسة المقبلة.
وتناول قنديل أسباب مغادرته للساحة الإعلامية المصرية قائلاً "كان عندنا البرنامج بيتباهوا بيه في التليفزيون المصري وقتها ، وكان صفوت الشريف وكانت المنافسة قائمةعلى الحرية وبدأنا نقول ونقول لحد ما وصلوا إلى درجة عدم التحمل خاصة لما قربنا من وكلما قربت حرب العراق زادت النبرة وكان دائماً فيه رقيب وهو عادة مزعج وكنا أحياناً نساوم بعض وكلما اقتربت حرب العراق زادت النبرة حتى وصلت للمرحلة أن الأمور لم تعد محتملة".
وأضاف قنديل لست محايداً وبرنامجي يعتمد على الرأي ولا بد من الفصل بين الخبر والرأى .. الجميع يعلم أني معارض وأنا داخل مصر وانتمي إلى جناح اليسار.

موضوع ذات صلة

قالت تقارير صحفية أن الإعلامي حمدي قنديل اتفق مع قناة المنار اللبنانية التابعة لحزب الله على لتقديمة برنامج قلم رصاص على قناتها .

وذكرت صحيفة القدس العربي اأن قنديل تلقى مكالمة هاتفية من الأمين العام لحزب الله السيد حسن نصر الله للاتفاق على تقديم البرنامج بالقناة.
وأشارت مصادر إلى أن مسؤولين مصريين هددوا بوقف بث قناة المنار من القمر الصناعي المصري إذا ما تم الإتفاق مع قنديل ليطل عبر شاشتها في ظل توتر العلاقات مع حزب الله.
وكانت القاهرة قد أعلنت في شهر أبريل 2009 عن اعتقال أعضاء في خلية تنتمى الى حزب الله وكانت تهدف إلى تهريب سلاح للمقاومة الفلسطينية في غزة واستهداف مصالح مصرية داخل البلاد.

لا للعبارات الرنانة ياعم حمدى
لا للشهرة على حسابنا ياعم حمدى
انت قاعد فى مكتب مكيف وسراميك ولاب توب عاوز اية تانى ياعم حمدى
رايك ميهمناش بشىء انما يهم ناس تانية ياعم حمدى
انا كنت من اشد المعجبين يجماعة الاول بعم حمدى
كان البرنامج بتاعة بيجى يوم الاتنين الساعة 10 بليل وكنت اقول وحشنى عم حمدى
بس اظاهر انى اتخدعت فيك بجد لو روحت قناة المنار التابعة لحزب الله وشتمت فى بلدك وفى نظام الحكومة والمعيشة هنا يبقى انت عاوزهم يشمتوا فينا ياعم حمدى
والله لو حصل لهتقل بدرجة 100 % اما تسيب ناس شيعة زى دول يقولوا للعالم اهو مصرى بيشتم فيهم اهوة والناس كلها بتكره النظام المصرى
بلاش ياعم حمدى دول واخدينك كوبرى ضد النظام وهدفهم الدعاية الاعلامية
متنساش انهم كانوا عاوزين يضروا الامن المصرى
متنساش ان ليهم علاقة باكتر دولة بتكرة مصر فى المنطقة وهى ايران
قول حاجات تفيدنا متقولش حاجات تضرنا
وارجع ياعم حمدى زى زمان
الديمقراطية وحرية التعبير دى روحلها امريكا
مش تروح لبنان
وحتى لو روحت امريكا هكرهك بردوا ياحمدى شوفت وصل بيا الكلام لحد ما لغيت كلمة عم
وشوية كمان هقولك يواد لانى ساعتها هبقى عمك ياحمدى

شكرا يااستاذ حمدى

والله بشكر الأستاذ حمدى قنديل أنه عرفنى أنه خبرته
ضعيفه أو معدومه فى تحديد من يمكنه حكم مصر.
أسمحوا لى أطرح رأى الخاص وطبعآ
لاألزمه أحد
أولآ عمرو موسى يشبه البط الجعجاع وعصبى جدآ ولايتمالك نفسه يعنى
يودى البلد فى داهيه لو لاقدر الله بقى رئيس
ثانيآ : ليس من الضروره أن شخص
ينجح فى مجال يبقى ينجح فى مجال ثانى بمعنى لايمكن الثقه بطبيب ناجح جدآ ونقوله
تعالى صمم لنا عماره أو كوبرى أو أمسك رئيس يبقى زويل مع أحترامنا شيله من الموضوع
وده بشهادة الدكتور أحمد زويل بنفسه بس الظاهر أن الأستاذ حمدى قنديل مش متابع

ثالثآ : البرادعى فراجل طيب ولايمتلك الروح القياديه وبالتالى برضه شيله من
الموضوع.
رابعآ : طارق البشرى راجل معظم أهتمامته ببلد أخر غير بلده وبكده يحصل
التلاته اللى قبله
خامسآ : مصر ممكن يكون فيها كتير قادرين على قيادتها
ورئاستها لكن لانعلم عنهم شىء وده نجحت فيه الحكومه والرئاسه الحاليه فى أخفاء كل
من يصلح ودائمآ يجب أرجاع ذوات أمكانيه شغل منصب الرئيس فى الظلام الدامس وأظهار
مجموعه لايمكنك الأختيار منها فتقول اللى نعرفه أحسن من اللى منعرفوش
سادسآ :
برضه محدش يقولى أن كان المدعو ايمن نور يصلح للرئاسه يكفى أنه وقع فى أول فخ أتنصب
له

سابعآ وأخيرآ : من وجهة نظرى واحد فقط على الساحه هو من يصلح لشغل منصب
الرئيس فى مصر وبكل فخر
كمال الجنزورى

الراجل ده مش هيجى حد زيه تانى

وحمدى ما افتكروش

بيقولوا إن جمال هو الي هيحكم...

أحب أقولك إن الشعب روحه بقت في مناخيره
.... يعني يوم ماتحصل حاجه زي دي هتلاقي جمال مبارك عامل إستعدادات أمنيه مشدده
جداً جداً جداً ... لإنه عارف إن يوم ما حاجه زي دي تحصل .. هيحصل ساعتها ثوره
عارمه في جميع أنحاء مصر ومش بعيد يحصل إنقلاب عسكري كمان والبلد تولع

لكن
أنا مستبعد فكرة حكم جمال مبارك دي نهائياً..إذا كان الشعب عايز يشيل أبوه من الحكم
دلوقتي يبقى إزاي هيسكت لما العيل ابنه ده ييجي يحكم

عايزين كلام عاقلين!!

وبعدين الشعب المصرى وما يعانيه جراء النظام الحاكم يختاج إن طلب رئيس ذو شخصية لها
متطلبات خاصة .
منها النجاح على مستوى الثقافة والفهــــــــــم !!!!!

وشخصية قوية ومحبوبة من الشعب وليس محبوب من الحاشية .
أن تكون سلطته غير
مطلقة بحيث يكون لرئيس الوزارء وليس رئيس مجلس الوزراء كما هو الآن صلاحيات موكلة
إليه .
ويكون ممن يتقون الله وهذا ببعيد !!
ويكون ممن لا يجرى إلى مصالح
شخصية
ويكون جاء إلى كرسى الحكم للعدل وأنه غير مؤبدفيه ولا مورث أحدآ فيه .

وهناك سمات ومواصفات كثيرة تحتاج للجان وظيفتها تحديد مواصفات الحاكم .

وبعد كل ما سردته يؤسفتى أن أؤكد أن كل هذا وهم وحلم من أحلام اليقظة
(
اللهم أختر لنا من يتولى أمورنا)

جنرال

هههههههههههههههههه

وبعدين لية عاوزين رئيس تاني مالموجود كويس ومش بيدوب شوفوا كام رئيس امريكاني دابوا من
ريجان فترتين الي بوش الاب وكلينتون فترتين وبوش الابن فترتين الي اوباما والي ما
شاء الله وشوفوا كمان كام رئيس وزراء ياباني .علشان تعرفوا ان انتاج مصر من الرؤساء
افضل من امريكا واليابان. وليت مصر لم تنتج هذا الانتاج الذي لايدوب. ومن الكرسي
للمقبرة..ربنا يديلو طول العمر لحد مايشرد باقي الشعب المسكين ويبقي يشتغلوا في
المريخ او زحل

معانا يارب

والله بجد بجد

نيس نيس موضوع يا مستر ميدو

وتعليق جميل جدا ً

على الأستاذ حمدى

ولا عم حمدى

ولا حمدى

ولا حمدى اللى انت عمه

هههههههههههههههههههههه

جامد وربنا

وفعلا ً يبقى غلط غلطة عمره لو راح للقناه دى

اعقل ياحمدى

فكر مليون مره قبل ماتخطى الخطوه دى

نيس ياميدو الله

وجميل اوى الشغل الجامد اللى انا شايفه

حبيبى حمدي قنديل : هؤلاء قادرون على حكم مصر Icon_geek